L’associacion Hestau Occitan Basque, Aupa Pireneas qu’ei neishuda d’ua passion comuna : har vibrar las culturas occitana e basca per la musica, la hèsta e lo partatge. Portada per passionats, qu’organiza cada annada un eveniment unic a Pau, deu 23 au 26 de julhet, amassant artistas, festivaliers e curiós a l’entorn d’ua medisha energia.
Convençuts qui aqueras lengas e tradicions ne deven pas demorar calhadas dens lo passat, que cream un espaci on se reïnventan e que s’exprimescan dab fòrça . Concèrts, espectacles, encontres e animacions que ritman lo hestau entà auherir ua immersion totau dens l’amna deus Pirenèus.
Tot que comença ací . Prumèr acòrd, prumèr crit, prumèra nòta qui hè tremolar las parets. Arren n’ei pas escriut, arren n’ei pas pauhicat . Juste ua scèna, deus amplificators e ua idèa qui pren vita : crear un hestau on l’occitan e lo basco que ressonan un còp de mei . Mei que soviéners, que vaden deus sons vibrants, de las melodias raujosas, deus repics escandits a pàrias.
Tot qu’a començat a l’entorn d’ua taula, dens un cafè deu Sud-oèst. Peyo, Guilhèm e Txema, membres fondators de l’associacion Aupa Pireneas, que tornavan har lo monde . Dab eths, deus musicians, deus contaires, deus amorós deus Pirenèus, tots units per ua medisha conviccion : l’occitan e lo basco ne son pas lengas deu passat . Qu’an un present vibrant e un aviéner a escríver.
Mes com tornar ad aqueras lengas ua plaça dens lo quotidian ? Com los har víver autament que dens los libes e los soviéners ? La responsa qu’èra aquí, evidenta : per la musica, per la hèsta, peu partatge. Qu’ei atau com ei neishut lo hestau occitan basco Aupa Pireneas, un eveniment unic a Pau, deu 23 au 26 de julhet.
Uei, Aupa Pireneas qu’ei hòrt mei qu’un hestau : qu’ei un convit a vibrar au ritme deus Pirenèus.
Concèrts, encontres, tradicions e energia hestiva que son au rendètz-vos entà har ressonar la cultura occitana e basca com jamei abans
L’associacion Aupa Pireneas qu’ei a l’iniciativa deu hestau occitan basco qui’s tien a Pau deu 23 au 26 de julhet. La nosta mission ? Har vibrar los Pirenèus en metent a l’aunor la riquessa de las culturas occitana e basca per la musica, la dança, la gastronomia e l’artisanat locau.
La nosta mission principau qu’ei de har víver e rajar las culturas pirenencas, sustot per :
Qu’avem egaument a còr de promòver un mòde de vita respectuós de l’environament e d’ahortir los ligams sociaus per activitats participativas.
Lo hestenau Aupa Pireneas n’ei pas qu’un simple eveniment musicau : qu’ei un lòc de partatge on concèrts, espectacles e animacions que’s mesclan entà auherir un viatge au còr de las tradicions pirenencas. Per las nostas accions, qu’encoratjam l’encontre enter las generacions e que favorizam la descobèrta d’un patrimòni viu .
Que desiratz sostiéner lo hestau ? qu’ei pas la pagina contacte !
Création de marque et web design par Vincent Susbielles.
Les images utilisées dans ce projet sont uniquement à des fins éducatives et non commerciales.
