Boisson Divine qu’ei lo projècte musicau de dus amics d’enfància, qui’s coneishón sus los bancs deu collègi dens un petit vilatge rurau de Gasconha Armagnaca, Riscle. Lo lor estil qu’ei un mescladís inusitat de tot çò qui los musicians aiman : una basa de Heavy/Power Metal, l’energia deu Punk-Rock, los instruments tradicionaus de la lor region, la polifonia pirenenca, tot aquò cantat majoritàriament en gascon.
Dab Boisson Divine, Gasconha que’s transforma en un terrenh d’aventura musicau, on lo folk e lo heavy metal que’s mesclan. Cantant en gascon, lo grop que conta las istòrias deu lor país, entre tradicions viticòlas, legendas locaus e celebracion de la convivéncia. Los lors títols, portats per cants poderós e melodias entrainantas, que son tant cants de batalha com imnes a la hèsta.
Sus l’empont, la lor passion e generositat que captivan tots los publics, entà un moment de partatge e d’energia.
Création de marque et web design par Vincent Susbielles.
Les images utilisées dans ce projet sont uniquement à des fins éducatives et non commerciales.
